Our Lady of Medjugorje Messages containing 'tawagin'

“Mahal kong mga anak! Inaaanyayahan ko kayong muli upang manalangin. Wala kayong dahilan upang lalong gumawa dahil ang kalikasan ay nananatiling mahimbing sa pagkakatulog. Buksan ninyo ang inyong sarili sa pananalangin. Sariwain muli ang pagdarasal sa inyong pamilya. Ilagay ang Banal na Kasulatan sa isang lugar na laging makikita ng buong pamilya, basahin ito, pag-isipan at pag-aralan kung paano magmahal ang Diyos sa lahat ng tao. Ang kanyang pagmamahal ay kusang makikita sa kasalukuyan dahil ako ay kanyang isinugo upang tawagin kayo sa daan ng kaligtasan. Maraming salamat sa inyong pagtugon sa aking pagtawag. ”

“Mga munti kong anak! Huwag maghanap ng katahimikan at kaligayahan ng walang saysay, sa maling lugar at sa maling bagay. Huwag hayaan ang inyong puso ay maging matigas dahil sa labis na pagpapahalaga sa sarili. Tawagin ang pangalan ng aking Anak. Tanggapin Siya sa inyong puso. Sa pamamagitan ng pangalan ng aking Anak kayo ay makakadama ng tunay na ligaya at katahimikan sa inyong puso. Tangi sa paraan lang ito na inyong makikilala ang pagmamahal ng Diyos at pagpapalaganap nito sa dako pa roon. Ako ay tumatawag sa inyo upang aking maging apostoles. ”

“Mahal Kong Mga Anak! Gayon din sa araw na ito, ng may malaking kagalakan sa aking puso, tinatawagan ko kayo na magbagong-loob. Munti kong mga anak, huwag ninyong kalilimutan na kayo ay mahalaga sa dakilang planong ito, na pinangungunahan ng Diyos sa pamamagitan ng Medjugorje. Ninanasa ng Diyos na baguhin ang kalooban ng mundo at tawagin ito sa kaligtasan at sa daan patungo sa Kanya, Siya na simula at wakas ng lahat ng nilalang. Sa katangi-tanging paraan, munti kong mga anak, mula sa kaibuturan ng aking puso, tinatawagan ko kayo na buksan ang inyong kalooban sa dakilang grasya na ibinibigay sa inyo sa pamamagitan ng pagharap ko dito. Nais kong pasalamatan kayong lahat sa mga sakripisyo at panalangin. Ako ay sumasainyo at binabasabasan ko kayong lahat. Salamat sa pagtugon ninyo sa aking panawagan. ”