Language 

Updates  | Medjugorje[EN]  | Messages  | Articles[EN]  | Videos[EN]  | Pictures[EN] | Site Map  | About[EN]

www.medjugorje.ws » Text version » Our Lady of Medjugorje Messages » Our Lady of Medjugorje Messages containing 'bawat'

Our Lady of Medjugorje Messages containing 'bawat'

Total found: 23
Mahal kong mga anak, Inaanyayahan ko kayo ngayon upang maglaan ng panahon para sa Diyos. Mga anak marami kayong sinasabi tungkol sa Diyos subalit hindi ninyo tinutupad sa inyong buhay. Kaya mga anak kayo ay magbagong buhay at lumapit sa Diyos ng sa gayon ay makita ninyo ang kagandahan ng buhay na ibinigay sa inyo ng Diyos. Mga anak inaanyayahan ko kayong muli na lumapit sa Diyos sa pamamagitan ng panalangin upang mabago ang inyong buhay. Bawat isa sa inyo ay magiging mayumi katulad ng isang bata na laging bukas ang pagmamahal ng isang ama. Maraming salamat sa inyong pagtugon sa aking kahilingan.

Mahal kong mga anak, Ngayon ay muli ko kayong inaanyayahan na manalangin upang sa pamamagitan ng panalangin pag-aayuno at munting sacrificio ay maihanda ang inyong sarili para sa pagdating ni Jesus. Sa panahong ito mga anak kong munti ay maging panahon ng biyaya para sa inyo. Gamitin ang bawat sandali at gumawa ng kabutihan, sa pamamagitan nito ay madama ninyo ang pagsilang ni Jesus sa inyong puso. Kung ang inyong buhay ay magbigay ng halimbawa at maging tanda ng pagmamahal sa Diyos, ang kaligayahan ay mananatili sa puso ng sanlibutan. Maraming salamat sa pagtugon sa aking pagtawag.

Mahal kong mga anak! Ngayon ako ay sumasainyo sa mahalagang paraan at ibibigay ko sa inyo ang mahal na ina ng kapayapaan. Ipinagdarasal ko kayo at ihahatid tungo sa Diyos, upang sumampalataya ang bawat isa sa atin at makapaghatid ng kapayapaan. Wala kang kapayapaan kung ang puso mo ay walang kapayapaan sa Diyos. Kaya, Mga anak kong munti, manalangin manalangin, manalangin, dahil ang pananalangin ang siyang bumubuo ng kapayapaan. Buksan ang inyong puso at maghandog ng onas sa Diyos upang siya ay maging kaibigan. Kung ang tunay na kaibigan na maka Diyos ay mananatili, walang bagyo na makakasalanta sa atin. Maraming salamat sa inyong pagtugon sa aking pagtawag.

Mahal kong mga anak, Ngayon ako ay nagagalak sa inyo, at tinatawagan ko kayo sa kabutihan na siya kong ninanais sa bawat isa sa atin na makita at dalhin ang katahimikan sa inyong puso at sabihin; na nais kong ang Diyos and manguna sa inyong buhay. Sa pamamagitan lamang nito, mga anak kong munti na ang bawat isa sa atin ay maging banal. Mga anak kong munti, sabihin ninyo sa lahat, nais ko ang kabutihan at mga anak kong munti, sabihin ninyo sa lahat, nais kong kabutihan ninyo at siya ay tutugon ng may kubutihan at mga anak kong munti, nagbigay ng kanyang buhay at nagligtas sa atin. Kaya, mga anak kong munti, magsaya at inyong ibahagi kay Jesus and inyong kamay kay Jesus siya lamang ang mabuti. Maraming salamat sa inyong pagtugon sa aking pagtawag.

Mahal kong mga anak. Ngayon ay tinatawagan ko kayong muli upang manalangin. Sa pamamagitan lamang ng pananalangin, Mahal kong mga anak, ang puso ay magbago, upang maging mabuti at mataimtin sa salita ng Diyos. Mga anak kong munti, huwag ipahintulot na akayin kayo ni Satanas at gawin ang kanyang gusto. Tinatawagan ko kayo upang maging responsable matatag at taimtim na manalangin sa Diyos araw araw. Ang banal na misa, mga anak kong munti, ay hindi gawain sa iyo, kundi buhay. Ang mabuhay sa banal na misa araw araw, ay madarama mo ang panganga-ilangan ng kabanalan at ikaw ay mabubuhay sa kabanalan. Ako ay malapit sa iyo at siyang nagtutulak sa Diyos para sa bawat isa sa atin, upang ikaw ay bigyan ng lakas upang baguhin ang inyong puso. Maraming salamat sa inyong pagtugon sa aking pagtawag.

Mahal kong mga anak, kahit ngayon ako ay sumasainyo at muli ko kayong tinatawagan upang lalong lumapit sa akin sa pamamagitan ng panalangin. Sa mahalagang paraan, ay tinatawagan ko kayo upang magbago sa panahon ng kapayapaan. Mga anak kong munti magmuni-muni at mabuhay sa pamamagitan ng munting sakripisyo, para sa paghihirap at pagkamatay ni Jesus para sa bawat isa sa atin. Kung kayo ay lalapit sa Diyos kayo ay patatawarin at mamahalin tulad ng ginawa niya sa bawat isa sa atin. Sa pamamagitan ng panalangin at pagbabago kayo ay magiging mas matatag sa pananampalataya at pagmamahal tungo sa simbahan at sa mga taong nakapalibot sa iyo. Mahal ko kayo at ginagabayan ko kayo. Salamat sa inyong pagtugon sa aking pagtawag.

Mahal kong mga anak, ngayon ay tinatawagan ko kayo, sa pamamagitan ng panalangin, upang buksan ang inyong sarili sa Diyos na parang bulaklak na bumubukang kusa sa sinag ng araw. Mga anak kong munti, huwag kayong matakot. Ako ay sumasainyo at makipag-ugnayan sa Diyos ang bawat isa sa atin upang ang puso ay makatanggap ng pagbabago. Sa ganitong paraan, mga anak kong munti, sanay maunawaan ang kahalagahan ng biyaya sa panahong ito upang kayo ay mapalapit sa Diyos. Maraming salamat sa inyong pagtugon sa aking pagtawag.

Mahal kong mga anak, Ngayon ay inaanyayahan ko kayo upang manatiling malapit sa akin sa pamamagitan ng pananalangin. Mga anak kong munti, ako ang inyong ina, at minamahal ko kayo at sanay manatili ang bawat isa sa inyo ay ligtas at maging sa kalangitan. Kaya mga anak kong munti manalangin, manalangin, manalangin hanggang ang inyong buhay ay manatiling nananalangin. Maraming salamat sa inyong pagtugon sa aking pagtawag.

Malahl kong mga anak! Ngayon ay tinatawagan ko kayo upang maging saksi sa pananampalataya sa ating ama. Mga anak kong munti, hinahanap mo ang tanda at mensahe na hindi mo nakikita sa bawat pagsikat ng araw tuwing umaga, tinatawagan ka ng Diyos upang mabago at mapabalik ang daan tungo sa katotohanan at pananampalataya. Marami kong sinasabi, mga anak kong munti, subalit gumagawa kayong kaunting pagbabago. Kayo mga anak munti, baguhin at magsimulang manatili sa aking mensahe, hindi lamang sa inyong salita kundi sa inyong buhay. Sa ganitong paraan, mga anak kong munti, magkaroon ka ng lakas at tunay na bagbabago sa inyong puso. Maraming salamat sa inyong pagtugon sa aking pagtawag.

Mahal kong mga anak! Kahit ngayon ako ay sumasainyo sa mabuting paraan ng pagmumunimuni at buhayin si Jesus sa ating puso. Mga anak kong munti buksan ang inyong puso at ipagkaloob ang lahat sa atin at pati ang sa kanila: kaligayahan at kalungkutan ng bawat isa, kahit na ang pinakamaliit na hapdi ay maialay kay Jesus; sa pamamagitan ng walang katumbas na pagmamahal, magniningas at magbabago ang inyong kalungkutan at magiging kaligayahan sa pagkabuhay na muli ni Jesus. Kaya, ngayon ay tinatawagan ko kayo sa mahalagang paraan, mga anak kong munti, para buksan ang inyong puso sa pananalangin, upang sa pamamagitan ng pananalangin ay maging kaibigan ka ni Jesus. Salamat sa inyong pagtugon sa aking pagtawag.

Mahal kong mga anak. Ngayon ang panahon ng grasya. Kaya nga magdasal, magdasal, magdasal hanggang mabago mo ang pag-mamahal sa Diyos at ng bawat isa sa atin. Maraming salamat sa iyong pagtugon sa aking pagtawag.

Mahal kong mga anak! Kaya ngayon ay tinatawagan ko kayo upang magdasal mula sa inyong puso at mahalin ang inyong kapwa. Mga anak kong munti, kayo ang napili upang magpatunay sa katahimikan at kaligayahan. Kung walang katahimikan, magadasal at ng inyong makamtan. Dahil sa inyo at sa inyong pagdarasal, mga anak kong munti, ang katahimikan ang kailangan para sa mundo. Kaya mga anak kong munti, magdasal, magdasal, magdasal, dahil ang pagdarasal ay nakagagawa ng milagro para sa puso ng tao at sa buong mundo. Ako ay sumasainyo at ako ay nagpapasalamat sa Diyos at sa bawat isa na inyo na siyang tumangap ng mataimtim na pagdarasal na seryoso. Maraming salamat sa inyong pagtugon sa aking pagtawag.

Mahal kong mga anak, Nananawagan ako sa inyo ngayon at hinihikayat na manalangin para sa kapayapaan. Lalong-lalo na ngayong kalong ko sa aking mga bisig ang bagong silang na si Jesus para sa inyo, upang makipag-isa sa kanya sa pamamagitan ng panalangin at maging isang tanda dito sa walang kapayapaang mundo. Hikayatin ang bawat isa mga munti kong anak na manalagin at magmahalan. Naway ang inyong panananampalataya ay lalong makahikayat na manampalataya at magmahalan. Binabasbasan ko kayo at tinatawagan na maging malapit sa aking puso at sa puso ng nino Jesus. Salamat sa pagtugon ninyo sa aking panawagan.

Mga mahal kong anak! Ngayon ako’y nanalangin para sa inyo at kasama ninyo at nawa’y tulungan kayo ng Banal na Espirtu na madagdagan ang inyong pananampalataya ng sa gayon ay lalo ninyong matanggap ang pahayag na ibinibigay ko sa inyo dito sa banal na lugar. Mga anak, unawain ninyo na ito ang panahon nang biyaya para sa bawat isa sa inyo, at sa pamamagitan ko mga anak ay lalo kayong maligtas. Ninanais ko na igabay kayo sa daan ng kabanalan. Ipamuhay ninyo ang aking pahayag at ilagay sa inyong buhay ang bawat katagang ibinibigay ko sa inyo. Nawa’y maging mahalaga ito para sa inyo sapagkat ito ay nagmula sa langit. Salamat sa pagtugon ninyo sa aking panawagan.

Mahal kong mga anak! Ngayon ako’y nagagalak kasama ng inyong mga patron, at tinatawagan ko kayo na maging bukas sa kalooban ng Diyos nang sa gayon, sa iyo at sa pamamagitan mo ay yumabong ang pananampalataya nang bawat taong makatagpo mo sa araw-araw mga anak, manalangin kayo hanggang ang pananampalataya ay maging kagalakan para sa iyo. Hingin ninyo sa inyong banal na tagapangalaga na tulungan kayong lumaki na nagmamahal sa Diyos salamat sa pagtugon ninyo sa akin.

Mahal kong mga anak! Tinatawagan ko kayo ngayon upang magpasalamat sa Diyos na nasa inyong mga puso alang-alang sa mga biyayang ipinagkaloob Niya sa inyo sa pamamagitan ng mga pahiwatig at kulay na nasa sa kalikasan. Nais ng Diyos na kayo ay mapalapit sa Kanya at matinag kayo upang siya ay papurihan at pasalamatan. Kung kaya mga anak tinatawagan ko kayong muli upang manalangin, manalangin, manalangin at huwag ninyong kalilimutan na ako ay kapiling ninyo. Ipinamamagitan ko ang bawat isa sa inyo sa Diyos hanggang magkaroon kayo ng ganap na tuwa. Salamat sa pagtugon ninyo sa aking panawagan.

Mahal kong mga anak. Ngayon ay hinihikayat ko kayo na ihandog ang inyong mga sarile sa aking Puso at sa Puso ng aking anak na si Hesus. Sa ganitong paraan lamang na higit pa kayong mapapasaakin sa bawat araw at magbibigay sigla sa bawat isa patungo sa higit pang kabanalan. Sa pamamagitan nito ligaya ang magiging tuntunin ng inyong mga puso at kayo ay magiging tagapaghatid ng kapayapaan at pagmamahalan. Salamat sa pugtugon ninyo sa aking panawagan.

Mahal Kong Mga Anak! Gayon din sa araw na ito, kaligayahan ang nasa puso ko. Nais kong magpasalamat sa inyo na ang aking panukala ay nagkakaroon ng kaganapan. Samakatuwid, ang bawat isa sa inyo ay mahalaga. Mga anak, manalangin at magsaya kayo kasama ko sa bawat puso na nagbabago at nagiging kasangkapan ng kapayapaan sa mundo, Mga anak, ang grupo ng mga nagdarasal ay malakas at sa pamamagitan nila nakikita ko ang Banal na Espiritu ay patuloy na gumagalaw sa mundo. Salamat sa pagtugon ninyo sa aking panawagan.

Mahal kong mga Anak! Kayo ay tinatawagan ko sa pagbabago ng inyong puso. Magpasiya kayo, gaya ng mga unang araw ng aking pagparito para sa buong pagbabago ng inyong buhay. Sa ganitong pamamaraan, munti kong mga anak, magkakaroon kayo ng lakas na lumuhod at buksan ang inyong mga puso sa harap ng Diyos, Diringin at sasagutin ng Diyos ang inyong mga panalangin. Sa harap ng Diyos, ako ay mamagitan sa bawat isa sa inyo. Salamat sa pagtugon ninyo sa aking panawagan.

Mahal kong mga anak. Ako ay nasa tabi niyo dahil nais kong tulungan kayo upang malampasan ang mga pagsubok, na nagsisilbing balakid upang kayo ay maging dalisay. Mga anak, isa na dito ang hindi pagpapatawad at ang di paghingi ng kapatawaran. Ang bawat kasalanan ay sumasaling sa Pagmamahal at naglalayo sa inyo dito - at ang Pag-ibig ay ang aking Anak. Samakatuwid, mga anak, kung mamarapatin ninyo ay sabay nating tahakin ang kapayapaang hatid ng Pag-ibig ng Diyos, dapat ninyong matutunang magpatawad at humingi ng kapatawaran. Salamat.

To compare Medjugorje messages with another language versions choose
1 2 Next>>

 

PC version: This page | Medjugorje | Apparitions[EN]  | Our Lady of Medjugorje Messages  | Medjugorje News & Articles[EN]  | Pictures & Photos[EN]  | Medjugorje Videos[EN]