Our Lady of Medjugorje Messages containing 'да'

"Дарагія дзеці! Сёння, як маці, я запрашаю вас да навяртання. Дзеткі, гэта час для вас, час цішыні і малітвы. Таму, у цяпле вашага сэрца хай расце насенне надзеі і веры, і вы, дзеткі, з дня на дзень адчуеце неабходнасць маліцца больш. Ваша жыццё будзе упарадкаваным і адпаведным. Дзеткі, зразумейце, што вы тут на зямлі мінакі і будзеце адчуваць неабходнасць быць бліжэй да Бога і з любоўю сведчыць пра вашу сустрэчу з Богам, якім будзеце дзяліцца з іншымі [людзьмі]. Я з вамі і малюся за вас, але я не магу без вашага «Так». Дзякуй за тое, што адказалі на мой заклік. "

"Дарагія дзеці, аб'яўленні гэта вынік любові і дабрыні Айца Нябеснага, яны павялічваюць веру якая тлумачыць, прыносіць супакой, упэўненасць і надзею. Так і я, мае дзеці, з міласэрнай любові Айца Нябеснага, заўсёды ад пачатку паказваю вам шлях да Майго Сына, да вечнага выратавання. Аднак, на жаль, многія з маіх дзяцей не жадаюць слухаць мяне, шмат маіх дзяцей маюць сумненні. Таму я, я заўсёды своечасова і пазачасова, я праслаўляю Бога за ўсе, што Ён зрабіў ува мне і праз мяне. Мой Сын аддаецца вам, ламае з вамі хлеб, наказвае вам словы вечнага жыцця, каб вы неслі іх усім. А вы, мае дзеці, апосталы маёй любові, чаго вы баіцеся, калі Мой Сын з вамі? Пакажыце Яму вашы душы, каб ён мог заставацца і зрабіць з іх сведкаў, сведкаў веры і міласці.

Мае дзеці жывуць Евангеллем, выказваюць міласэрную любоў да бліжняга, але перш за ўсё любоў да Нябеснага Айца. Мае дзеці, вы не выпадкова злучаны. Нябесны Айцец нікога не злучае выпадкова. Мой Сын прамаўляе да тваёй душы. Я прамаўляю да вас сэрцам. Як маці кажу вам, ідзіце за мной, любіце адзін аднаго, будзьце прыкладам. Не бойцеся сваім прыкладам бараніць ісціну Слова Божага, якое вечнае і ніколі не змяняецца. Мае дзеці, хто дзейнічае у святле лювові міласэрднай і праўды, таго падтрымліваюць нябёсы і ён не адзін. Апосталы маёй любові, хай іншыя пазнаюць вас заўсёды па лагоднасьці, любові і спакою. Я з вамі. Дзякую вам. "

"Дарагія дзеці! Сёння я заклікаю вас да новага жыцця. Не мае значэння колькі гадоў вам, адчыніце вашы сэрцы Езусу, які пераменіць вас у гэты час ласкі, і вы як прырода будзеце адраджацца да новага жыцця ў Божай любові і адкрыеце вашы сэрцы для неба і рэчаў нябесных. Я ўсё яшчэ з вамі бо Бог з міласці да вас мне дазволіў. Дзякуй вам, што адказалі на мой заклік. "

"Дарагія дзеці! У гэты трывожны час я заклікаю вас, каб мелі большы давер да Бога, Айца вашага Нябеснага, які паслаў мяне, каб прывесці вас да Яго. Адкрыйце свае сэрцы на дары якія Ён хоча даць вам і ў цішыні сэрца пакланяйцеся майму Сыну, Ісусу, Які аддаў Сваё жыццё, каб вы жылі ў вечнасці, да якой хоча вас весці. Няхай вашай надзеяй будзе радасць спаткання з Найвышэйшым у жыцці штодзённым. Таму я заклікаю вас: не пагарджайце малітвай, таму што малітва творыць цуды. Дзякуй вам, што адказалі на мой заклік. "

"Дарагія дзеці! Толькі чыстае і адкрытае сэрца дазволіць вам сапраўды спазнаць майго Сына, каб i тыя, хто не ведае Яго любові, пазналі яе праз вас. Толькі любоў дапаможа вам зразумець, што яна мацней, чым смерць, таму што сапраўдная любоў пераадолела смерць і зрабіла так, што смерць не існуе.

Мае дзеці, прабачэнне - гэта найвышэйшая форма любові. Вы, як апосталы маёй любові, павінны маліцца, каб вы былі моцнымі ў духу і маглі зразумець і дараваць. Вы, апосталы маёй любові, разуменнем і прабачэннем даяце прыклад любові і міласэрнасці. Уменне зразумець і дараваць - гэта дар, аб якім неабходна маліцца і захаваць яго.

Прабачэннем вы паказваеце, што умееце любіць. Паглядзіце толькі, дзеці мае, як Нябесны Айцец любіць вас з вялікай любоўю, разуменнем, прабачэннем і справядлівасцю. Як дае вам мяне- Маці вашых сэрцаў. І вось я сярод вас, каб дабраславіць вас матчыным дабраславеньнем, запрасіць вас да малітвы, посту, сказаць вам, каб вы верылі, спадзяваліся, прабачалі, маліліся за пастыраў, і перш за ўсё- бязмежна любілі.

Мае дзеці, ідзіце за мной. Мой шлях - гэта шлях міра і любові, шлях майго Сына. Гэта шлях, які вядзе да трыумфу майго сэрца. Дзякуй вам. "

"Дарагія дзеці! Дзякую Богу за кожнага з вас. Дзеткi, я асабліва дзякую вам, што адказалі на мой заклік. Я рыхтую вас да новых часоў, каб вы былі моцнымі ў веры і пастаяннымі ў малітве, каб праз вас Святы Дух мог дзейнічаць і абнаўляць аблічча зямлі. Я малюся з вамі за мір, які з'яўляецца самым каштоўным дарам, хоць шатан хоча вайны і нянавісці. Дзеці, будзьце маімі выцягнутымі рукамі і з гонарам ідзіце з Богам. Дзякуй, што адказалі на мой заклік. "

"Любыя дзеткі! Маім заклікам да вас з'яўлецца малітва. Няхай малітва стане для вас радасцю і вянком, які злучае вас з Богам. Дзеці, прыйдзе спакуса, а вы не будзеце моцныя, і грэх авалодае вамі, але калі вы належыце мне- пераможаце, бо вашым прытулкам будзе Сэрца майго Сына Езуса. Таму, дзеці, навяртайцеся да малітвы, пакуль малітва не стане для вас жыццём днём і ноччу. Дзякуй, што адгукнуліся на мой заклік. "

"Дарагія дзеці! Любоў майго Сына вялікая. Калі б вы ведалі веліч Яго любові, вы б не пераставалі пакланяцца Яму і дзякаваць Яму. Ён заўсёды жывы для вас у Эўхарыстыі, бо Эўхарыстыя - Яго сэрца; Эўхарыстыя - гэта сэрца веры. Ён ніколі не пакінуў вас. І калі вы спрабуеце пакінуць яго, Ён не пакідае вас. Менавіта таму маё матчына сэрца радуецца, калі бачыць, як вы, напоўненыя любоўю, вяртаецеся да Яго; калі Ён бачыць, што вы набліжаецеся да Яго праз прымірэнне, любоў і надзею. Маё мацярынскае сэрца ведае, што калі вы - апосталы маёй любові, мае кветкі - ідзяце шляхам веры, бо вы зараз парасткі, бутоны, але дзякуючы малітве і посту вы прынясеце свой плён. Вы будзеце несці святло і з усёй любоўю і мудрасцю будзеце асвятляць усё вакол сябе. Дзеці мае, як маці, прашу вас: маліцеся, думайце, разважайце. Усё, што з вамі адбываецца - прыгожае, пакутлівае, радаснае, святое - прымушае вас духоўна прачынацца, і мой Сын узрастае ў вас. Дзеці мае, трымайцеся за Яго, верце Яму, давярайце Яго любові, няхай Ён вядзе вас. Няхай Эўхарыстыя будзе месцам, дзе вы будзеце карміць свае душы, а потым распаўсюджваць любоў і праўду, сведчыць пра майго Сына. Дзякуй вам. "

"Дарагія дзеці! Маліцеся! Кожны дзень маліцеся на ружанцу- гэта вянок руж, які звязвае мяне як маці непасрэдна з вашым болем, пакутамі, жаданнямі і надзеямі. Апосталы маёй любові, я з вамі дзякуючы ласцы і любові майго Сына і прашу ў вас малітвы. Свет вельмі моцна мае патрэбу ў вашых малітвах, каб душы маглі навярнуцца. Адкрыйце свае сэрцы з поўным даверам майму Сыну, і Ён напіша ў іх кароткае апісанне свайго слова - гэта Любоў. Жывіце ў бесперапыннай сувязі с Найсвяцейшым Сэрцам майго Сына. Дзеці мае, як Маці, кажу вам, што прыйшоў час стаць на калені перад маім Сынам, прызнацца, што Ён Бог ваш - цэнтр вашага жыцця. Прынясіце яму падарункі, якія Ён любіць больш за ўсё, гэта значыць любоў да бліжняга, міласэрнасць і чыстае сэрца. Апосталы маёй любові, многія з маіх дзяцей яшчэ не прызнаюць майго Сына сваім Богам, тыя, хто яшчэ не зведаў Яго любові. Аднак вы, малітвамі, будзеце размаўляць з чыстым і адкрытым сэрцам, з дарамі, якія вы прыносіце майму Сыну, што адкрыюцца нават самыя жорсткія сэрцы. Апосталы маёй любові, сіла магутнай малітвы сэрца, поўнай любові - перамяняе свет. Таму дзеці мае, маліцеся, маліцеся, маліцеся. Я з вамі. Дзякую вам. "

"Дарагія дзеці! Сёння я заклікаю вас да малітвы. Няхай малітва будзе суцяшэннем для вашай душы, бо плёнам малітвы з'яўляецца радасць, прабачэнне, даванне сведчання пра Бога праз вашае жыццё. Дзеткі, калі вы поўнасцю адданыя Богу Ён будзе клапаціцца аб ўсім і дабраславіць вас, і вашыя ахвяры будуць мець сэнс. Я з вамі і благаслаўляю ўсіх вас мацярынскім благаслаўленнем. Дзякуй, што адгукнуліся на мой заклік. "

"Дарагія дзеці! Мой любы Сын заўсёды маліўся і славіў Нябеснага Айца. Заўсёды казаў Яму пра ўсё і давяраў Яго волі. Вы павінны зрабіць тое ж самае, дзеці мае, таму што Нябесны Айцец заўсёды чуе сваіх дзяцей. Пакладзіце свае сэрцы ў Яго Сэрца, якое напоўненае любоўю, святлом і жыццём. Нябесны Айцец адараваў вас самім сабой ў чалавечым абліччы, абліччы майго Сына. Вы, апосталы маёй любові, заўсёды павінны насіць аблічча майго Сына ў вашых сэрцах і думках. Вы заўсёды павінны думаць пра Яго любоў і ахвяру. Павінны маліцца, каб заўсёды адчуваць Яго прысутнасць, таму што вы апосталы маёй любові, павінны дапамагаць ўсім тым, хто не ведае майго Сына, хто не пазнаў Яго міласці. Дзеці мае, чытайце Евангелле. У ім заўсёды знойдзеце нешта новае, тое, што прывязвае вас да майго Сына, які нарадзіўся, каб перадаць словы жыцця ўсім маім дзецям і прынесці сябе ў ахвяру за ўсіх. Апосталы маёй любові, любові да майго Сына, нясіце любоў і мір усім вашым братам. Не судзіце нікога. Любіце ўсіх дзеля любові да майго Сына. Такім чынам вы будзеце клапаціцца і пра ўласную душу, якая на самой справе самае дарагое. Дзякуй. "

"Дарагія дзеці! Нясу вам майго Сына Езуса, каб Ён дабраславіў вас і раскрыў вам сваю міласць, якая ідзе з нябёсаў. Вашыя сэрцы прагнуць міру, якога на зямлі становіцца ўсё менш. Менавіта таму людзі далёкія ад Бога і хварэюць душамі, і ідуць да духоўнай смерці. Дзеці, я з вамі, каб весці вас шляхам збаўлення, на які вас заклікае Бог. Дзякуй, што адгукнуліся на мой заклік. "

"Дарагія дзеці, я ведаю, што прысутнічаю ў вашым жыцці і ў вашых сэрцах. Я адчуваю вашу любоў, чую вашы малітвы і накіроўваю іх да майго Сына. Але, дзеці, згодна з мацярынскай любоўю я хачу быць ў жыцці ўсіх маіх дзяцей. Я хачу сабраць усіх маіх дзяцей вакол мяне, пад мацярынскім покрывам. Таму я запрашаю і заклікаю апосталаў маёй любові дапамагчы мне.

Дзеці, мой Сын сказаў словы "Ойча наш", Ойча наш які ёсць усюды, нават у нашых сэрцах, Ён хоча навучыць вас маліцца словамі і пачуццямі. Ён хоча, каб вы заўсёды былі лепшымі, жылі міласэрнай любоўю, якая ўяўляе сабой малітву і бязмежную ахвяру для іншых.

Дзеці мае, аддайце майму Сыну любоў да бліжняга, дайце словы суцяшэння, спагады і справядлівасці сваім бліжнім. Усё, што вы даяце іншым, апосталы маёй любові, мой Сын атрымлівае як падарунак Я таксама з вамі, таму што мой Сын хоча, каб мая любоў ажыўляла душы як промні святла; каб дапамагчы вам знайсці шчасце і душэўны супакой. Таму, дзеці мае, любіце адзін аднаго. Будзьце злучаныя Маім Сынам, дзецьмі Божымі, якія прамаўляюць поўным, адкрытым і чыстым сэрцам "Ойча наш". І не бойцеся! Дзякуй! "

"Дарагія дзеткі! Сёння я заклікаю вас маліцца яшчэ больш, пакуль вы не адчуеце святасці прабачэння ў сваім сэрцы. У сем'ях павінна быць святасць, таму што, дзеткі, без любові і святасці няма будучыні для света, таму што вы ў святасці і радасці аддаяце сябе Богу Творцу, Які любіць вас з нязмернай любоўю. Вось чаму ён пасылае мяне да вас. Дзякуй, што адгукнуліся на мой заклік. "

"Дарагія дзеці, дзякуючы рашэнню і любові Бога, я была абрана стаць Божай маці і вашай маці. Але нават з маёй волі і маёй нязменнай любові да Нябеснага Айца і майго поўнага даверу да Яго, маё цела стала келіхам Богачалавека. Я была на службе праўды, любові і збаўлення. Я зараз сярод вас, каб запрасіць вас, дзеці, апосталы маёй любові, быць носьбітамі праўды, запрасіць вас распаўсюджваць Яго словы, словы збаўлення праз вашую волю і любоў да майго Сына, каб паказаць сваімі учынкамі ўсім, хто не ведаў майго Сына, яго любоў. Вы знойдзеце сілу ў Эўхарыстыі, Сын мой сілкуе цябе сваім целам і ўмацоўвае цябе сваёй крывёю. Дзеці мае, складзіце рукі і моўчкі глядзіце на крыж у цішы. Такім чынам, вы атрымаеце веру, каб вы маглі яе перадаць, вы атрымліваеце ісціну, каб вы маглі адрознівацца, вы атрымаеце любоў, каб ведалі як сапраўды любіць. Дзеці мае, апосталы маёй любові, складзіце рукі, паглядзіце на крыж, толькі выратаванне ў крыжы. Дзякуй. "

"Дарагія дзеці! У гэты час ласкі я хачу бачыць вашы твары перамененыя ў час малітвы. Вы вельмі абцяжараныя зямнымі клопатамі і не адчуваеце, што вясна на парозе. Дзеткі, вы закліканы да пакаяння і малітвы. Гэтак жа як прырода змагаецца ў цішыні за новае жыццё, вы закліканы адкрыць сябе ў малітве да Бога, у якой вы знойдзеце спакой і цяпло вясновага сонца ў вашых сэрцах. Дзякуй, што адгукнуліся на мой заклік. "

"Дарагія дзеці, ваша чыстая і шчырая любоў прываблівае маё матчына сэрца. Ваша вера і давер да Нябеснага Айца - гэта духмяныя ружы, якія вы прыносіце мне - самыя прыгожыя букеты руж, складзеныя з вашых малітваў, учынкаў міласэрнасці і любові. Апосталы маёй любові, вы, якія шчыра з чыстым сэрцам наслядуеце майго Сына, вы, якія шчыра любіце яго, дапамажыце, будзьце прыкладам тым, хто яшчэ не адчуў любові майго Сына, але, дзеці мае, не толькі словамі, але і ўчынкамі і чыстымі пачуццямі якімі вы праслаўляеце Нябеснага Айца. Апосталы маёй любові, гэта час увагі і я прашу вас любові. Каб вы нікога не асуджалі, бо Нябесны Айцец будзе судзіць усіх. Я прашу, каб вы любілі і абвяшчалі праўду, таму што праўда старая, яна не новая, яна вечная. Яна- ісціна. Яна сведчыць пра вечнасць Бога. Нясіце святло майго Сына і разганяйце цемру, якая ўсё больш імкнецца ахапіць вас. Не бойцеся. З ласкі і любові майго Сына я з вамі. Дзякуй. "

"Дарагія дзеці! Я з вамі праз ўсе гэтыя гады, каб весці вас шляхам збаўлення. Вярніцеся да майго Сына, вярніцеся да малітвы і посту. Дзеці, дазвольце Богу прамаўляць да вашых сэрц, бо Сатана пануе і хоча знішчыць вашае жыццё і зямлю, па якой вы ходзіце. Будзьце смелыя і выбірайце святасць. Вы ўбачыце навяртанне ў вашых сэрцах і сем’ях, будзе пачута малітва, Бог пачуе вашы прашэнніі і дасць вам супакой. Я з вамі і благаслаўляю ўсіх вас маім мацярынскім дабраславеньнем. Дзякуй, што адгукнуліся на мой заклік. "

"Дарагія дзеці! Няхай гэты час стане заахвочваннем да вашага асабістага навяртання. Маліцеся, дзеці, у адзіноце да Святога Духа, каб умацаваў вас у веры і даверы Богу, каб вы былі дастойнымі сведкамі любові, якой Бог адорвае вас праз маю прысутнасць. Дзеці, не дазваляйце каб спакусы зрабілі каменнымі вашыя сэрцы і каб малітва ваша стала як пустыня. Будзьце адлюстраваннем любові да Бога і сведчыце пра ўваскрослага Езуса ў сваім жыцці. Я з вамі і люблю вас усіх мацярынскай любоўю. Дзякуй, што адгукнуліся на мой заклік. "

"Дарагія дзеці! Маліцеся са мной за новае жыццё для ўсіх вас. У вашых сэрцах, дзеці, вы ведаеце, што трэба змяніць: навярнуцца да Бога і Яго запаведзяў, каб Дух Святы мог змяніць ваша жыццё і аблічча гэтай зямлі, якая мае патрэбу ў абнаўленні ў Духу. Дзеці, будзьце малітвай за ўсіх, хто не моліцца, будзьце радасцю для ўсіх, хто не бачыць выйсця, будзьце носьбітамі святла ў цемры гэтага неспакойнага часу. Маліцеся і звяртайцеся за дапамогай і абаронай да святых, каб вы таксама маглі прагнуць нябёсаў і нябесных рэалій. Я з вамі і абараняю, і благаслаўляю ўсіх вас маім мацярынскім блаславеннем. Дзякуй, што адгукнуліся на мой заклік. "